طريقة البروستد المقرمش ألذ من بروست البيك وثومية ألذ من المطاعم الطريقة مكتوبة بصندوق الوصف

مقادير تتبيلة البروست ألذ من البيك 😋 المقادير لكل دجاجة: 5 فصوص ثوم مهروس عصير ليمونة مكعبين ماجي او ملعقتين من الماجي الطبيعي او ملح فلفل ابيض بودرة بهارات مشكلة بيضاء شوي ثوم وبصل بودرة حبة بيضة ملعقة كبيرة باكينج باودر الطريقة : تخلط بالبداية جميع المقادير جيداً ثم يضاف البيض والباكينج باودر ويخلط جيداً ويتبل الدجاج ويترك اقل شيء ساعتين او ليلة كاملة وقت القلي يغمس الدجاج بالدقيق ويدخل الفريزر لمدة ربع ساعة ثم يقلى بزيت غزير وتغطين القلاية طريقة القلي بحيث تكون مقرمشة من برا ومستوية من جوه القلي يبي له تقريباً 20 الى 25 دقيقة بزيت غزير مو زيت شوي لازم يكون الزيت مغطي الدجاج والنار تكون بالبداية حارة بعدين هديها شوي والقطع بالزيت ماتكون كثيرة عشان الحرارة تتوزع على الدجاج والافضل تتغطى القلاية بغطاء او اذا عندك قلاية كهربائية يكون افضل عشان تكتم لك الحرارة وبرضو ما يمنع تغزينها بسكينة تتأكدين نضجت او لا . . مقادير الثومية : 2 م نشا مع كوب وربع موية عصير ليمونة فنجان قهوة خل وثوم حسب رغبتك العدد انا مكثرة لاني احب طعم الثوم وملح وربع كوب زيت دوار الشمس الطريقة: نخلط النشا مع الموية ونحطه ع النار لين يبدا يثقل وان شفتيه ثقيل شوي زيدي موية وبعدين حطي بمحضرة الطعام مع الثوم وخليط النشا اللي سويتيه بالنار والليمون وملح حسب رغبتك واخلطيهم زين لين تختفي فصوص الثوم وبعدين ابدي ضيفي الزيت على خفييييف زي الخط السخييف وبالتدريج وهو ينخلط وبتلاحظين ان لون الثومية تغير من الشفاف للابيض بسبب تدرج الزيت عليه ولاحظي اذا الخليط ثقيل عليك خففيه بشوي موية لانه بيثقل بالثلاجة بس اذا تشوفينه كويس خلاص لا تخففينه وذوقي الملح اذا تمام خلاص اغرفيه بزبدية وع الثلاجة لين وقت التقديم وهالثومية ممكن تقعد معك اسبوعين بالثلاجة ما يضرها وتقدرين تستخدمينها بالشاورما او اي ساندويش انت تبينه . . . . . . . Snap chat : mayomah . . . . . #وصفات_ميومة #ثومية_البيك #ثومية #ثومية_ميومة #مطعم_البيك #بروستد_ميومة #بروست_البيك #البيك #بروستد_دجاج #بروستد_البيك #الرياض #مطاعم #مطاعم_جدة #مطاعم_دبي #مطاعم_الرياض #مطاعم_الكويت #كافيهات_جدة #كافيهات_الرياض #السعودية #جدة #مكة #دبي

Category