كيفية تقشير البشرة في المنزل لبشرة أصغر عمراً وأكثر شباباً

رح نحكي بفيديو اليوم عن #كيفية_تقشير_البشرة_في_المنزل لبشرة تشع بالحيوية والنضارة: #تقشير_الوجه_بالسكر يعتبر السكر مادة مثالية للتخلص من خلايا الجلد الميتة والسبب احتوائه على الحبيبات الصغيرة والخشنة، وغير هيك السكر غني بحمض الجليكوليك اللي بيتواجد بالمقشرات التجارية غالية الثمن بساهم هاد الحمض في إزالة خلايا الجلد الميتة طبيعيا وكمان بحد من التجاعيد وعلامات تقدم سن البشرة. طريقة تحضير المقشر: بتمزجوا ملعقة كبيرة من السكر مع كمية قليلة جدا من الماء بحيث ما يدوب السكر بشكل كامل فقط لتضمنوا أنه يتوزع بشكل جيد على الوجه، بعدين بتضيفوا القليل من زيت الزيتون، وهيك بكون المقشر جاهز بتطبقوه على وجهكن مع الفرك بحركات دائرية لمدة دقيقة، آخر شي بتغسلوا الوجه بماء دافئ، وبتكرروا هالطريقة مرتين بالأسبوع لتحصلوا على أفضل النتائج. تقشير الوجه باستخدام خلطة الشوفان والحليب من أكتر المواد الطبيعية فعالية في تقشير الوجه هو الشوفان لأنه بقشر البشرة بلطف وبناسب كل أنواع البشرة حتى الحساسة، ومن أهم فوائده امتصاص الافرازات الدهنية وخلايا الجلد الميتة يعني بنظف وبقشر البشرة بنفس الوقت. لتحضير هالوصفة بتمزجوا ملعقة كبيرة من الشوفان مع ملعقة كبيرة من الحليب وبتطبقوا المقشر على الوجه مع التدليك بلطف وبحركات دائرية، وبعد عشر دقايق بتغسلوا وجهكم بماء فاتر ثم بارد، وبتكرروا هالطريقة مرتين أو أكتر بالأسبوع. تقشير الوجه باستخدام صودا الخبز فينا نعتبر صودا الخبز أو بيكربونات الصوديوم منتج رائع والسبب أنه رخيص الثمن وبنفس الوقت اله فوائد خارقة على البشرة وغيرها، فبيستخدم بتنظيف الأسنان وتلميع الأدوات والأواني الفضية. كل ما عليكم فعله هو خلط ملعقة صغيرة منه مع القليل من الماء وعدة قطرات من زيت الزيتون، بتمزجوا منيح بعدين بتطبقوا المقشر لمدة دقيقة على وجهكم، وآخر شي بتغسلوه بالماء، وتكرار الوصفة كمان مرتين بالأسبوع. #تقشير_الوجه_بالملح ملح البحر من المواد الشائع استخدامها بشكل كبير وبأغلب دول العالم في تقشير البشرة، والسبب اللي بخليه خيار رائع لتقشير الوجه طبيعيا أنه بيحتوي على حبيبات كبيرة وخشنة وغير سهلة الدوبان، وهاد الشي بخليه يزيل خلايا الجلد الميتة ويمنحكم بشرة ناعمة ونضرة. بس لازم تنتبهوا عاستخدامه برفق وبدون قسوة. طريقة الوصفة: امزجوا ملعقة من ملح البحر مع القليل من الماء وقطرتين من زيت اللوز، بتطبقوا المقشر على وجهكم وبتفركوا لمدة دقيقة ومتل ما ذكرنا قبل بلطف شديد، بعدين بتغسلوا وجهكم بالماء وبتعيدوا الوصفة مرتين بالأسبوع. تقشير الوجه باستخدام القهوة وزيت الزيتون وعصير الليمون القهوة معشوقة الكل وصديقة صباحاتنا ما بتتوقف أهميتها بحياتنا هون، إنما تعتبر مكون طبيعي بيعمل العجائب بالبشرة، فهيي مقشر رائع بتزيل خلايا الجلد الميتة والرؤوس السوداء والتصبغات، حتى أغلب شركات صناعة مستحضرات التجميل صاروا عم ينتجوا منتجات للعناية بالبشرة حاوية على الكافيين. أما بالنسبة لزيت الزيتون وعصير الليمون فبساعدوا بتفتيح البشرة إلى جانب تقشيرها. بتمزجوا ملعقة كبيرة من القهوة مع ملعقة صغيرة من زيت الزيتون مع عدة قطرات من عصير الليمون، بتخلطوا منيح وبتطبقوا المقشر لمدة عشر دقايق بعدين بتغسلوا بماء فاتر ثم بارد وبتكرروا الطريقة مرتين بالأسبوع. /watch/cHjkgK3ArkTAk

Category